O FUTURO AO OUTRO LADO DO ESPELLO

 

Deseño de Ainhoa del Río

O Futuro ao outro lado do espello é unha obra que a Aula de Teatro Sei San Narciso que se estreará na XXV MOSTRA DE ENSINO SECUNDARIO DO MORRAZO (26.27.28 de abril 2023)

A nosa Aula de Teatro embarca de novo na Mostra do Teatro de Ensino Secundario do Morrazo, coincidindo co XXV aniversario desta marabillosa creación colectiva que contribuímos no seu día a poñer en pé e a alimentar durante unha longa etapa. Volvemos con moita ilusión e cunha marca habitual da casa, ofrecendo un espectáculo da nosa autoría que quere ser á vez unha homenaxe á propia traxectoria da nosa aula reunindo nesta obra unha serie de chiscadelas e referencias escénicas ás montaxes de anos atrás,  o que non quere dicir que a trama deixe de ser completamente nova e orixinal. 

Quixemos deste xeito reunir diversos elementos botando man de variadas técnicas que nos caracterizan como é a dramatización de textos narrativos (usamos unha longa e coñecida novela, As intermitencias da morte de Saramago e un conto lostregante, A Illa das mulleres, da autora marinense Lara Dopazo, lírica de poetas vivos e mortos, esta vez atrevémonos cos discursos da promotora dos venres polo planeta, introducimos música en directo, mesmo montaxes audiovisuais, algo de danza inspirados por Pina Baush e Dimistris Papanaiou, ecos de grandes escenas clásicas do cinema ou de literatura infantil como se reflicte no propio título, etc...) 

O espectador presenciará logo unha sucesión de imaxes diversas que denominamos: Camiñamos, Escoitando a Terra, Cambio Climático, Traballo, Morte, Illa das Mulleres e o Futuro ao outro lado do espello. Son sete grandes escenas coas que pretendemos interpelar os medos ao porvir, ao mesmo tempo que, como persoas en formación, nos respondemos a nós mesmos sobre as interrogantes do noso futuro.    

ELENCO

  MULLERES ANTE O ESPELLO: Rocío López (ALICIA), Carla Núñez (MORTE MOURA) Greta Sampedro (MORTE BRANCA), Alba Capa (xornalista),  Mar Madero (xornalista), Claudia Cárcer (xornalista), Sara Fraile (xornalista), Cristina Boullosa, Sara Catalán e Kelly González.

HOMES ANTE O ESPELLO: Óscar Mathieu, Brais Sestelo, David Fuentes (xornalista), Alex Díaz e Iago Otero.

MÚSICAS ANTE O ESPELLO: Ainhoa del Río, Uxía Novegil.

MONTAXE AUDIOVISUAL: Luís Fuentes

LUZ E SON: Breixo Pazos e Antía Argibay

ESCENOGRAFÍA: Darío Suárez e Teresa González

DIRECCIÓN: Héctor Silveiro

 

Aula deTeatro SEI SAN NARCISO,  Bueu 27 de abril de 2023 

Aula de Teatro Sei San Narciso,  Marín 28 de abril de 2023

Unha crónica dos XV anos da Mostra de Teatro do Morrazo na revista galega de teatro ERRETEGUÉ

Dúas fotos da representación na MOTESMO en Bueu.