Para que sirve un libro

Valente pregunta, para que ler. É, sen dúbida, unha ferramenta clave na nosa educación, se cadra non tanto no noso proxecto como alumno/a, pero si que debe ser algo substancial que me faga máis humano. Vivir sen lectura é posible, pero que tipo de vida será esa? Pola contra vivir coa lectura provoca en nós un xeito distinto de vivir a vida, de sentir e interpretar o mundo. A lectura é, en definitiva, unha chave para coñecer ese universo real un tanto abstracto e caprichoso que se dá en chamar humanidade. Comnstruír a persoa sen a lectura resulta pois un acto falto de liberdade e rigor, falto da emoción da curiosidade e a creatividade que caracterizan a homes e mulleres, un carácter que está en nós dende que nacemos á espera de que nun lento e fermoso proceso da man de alguén saibamos gozar do pracer da lectura, do acto de ler para entender o mundo en toda a súa complexa forma de ser. Na vida,  o alimento e a palabra son precisas para medrar.