O ano pasado cumpríronse 50 anos da celebración do Día das Letras por parte da Real Academia Galega. Por ese motivo e porque no mes de maio xa se aproxima imos dar comezo a unha campaña relacionada con esta data e a literatura en galego. Esta é unha actividade concurso que vai contribuír a coñecer mellor aos autores e autoras aos que se lles homenaxeou en anos pasados con motivo da celebración do Día das Letras galegas.
CONCURSO DIARIO 50 + 1
O Departamento de Galego, o de Normalización Lingüística e os encargados da Biblioteca de Secundaria organizan este concurso diario. Todos os días lectivos de aquí ao 30 de maio iremos colgando unha serie de preguntas a resolver en 24 horas. Levarás ás respostas á Biblioteca do centro no prazo indicado. Ao resolvelas poderás optar a un premio agasallo que se entregará o próximo 30 de maio na biblioteca.
COMO PARTICIPAR ?
Para poder optar a un premio debes:
1º Copiar as respostas co teu nome nun papel .
2º Entregar o papel cuberto na Biblioteca do centro dentro do prazo.
Optarás a recibir un premio o próximo 30 de maio se respondes correctamente a estas tres preguntas:
CUESTIÓNS para o 29 de abril
1ª Adiviña a que tres mulleres se lle dedicaron un 17 de maio:
R_ _ _ _ _ _ _ _ C_ _ _R_
F_ _ N_ _ _C _ H_ _ _ _ R_ G_ _ _ I _ _
M_ _ _ _ M_ _ _Ñ_
2ª Indica cal das tres foi a primeira muller que entrou na Academia Galega.
3ª Indica o motivo e a causa de cal das tres autoras se escolleu o día 17 de maio para celebrar un Día dedicado ás Letras Galegas?
Para poder respostar podes facer uso dos seguintes enlaces:
Na REAL ACADEMIA GALEGA
No microprograma De LETRA En LETRA da CRTVG
Ningún comentario:
Publicar un comentario