Vive a lectura!!!

No Día das Bibliotecas Escolares a Biblioteca de Secundaria do Colexio San Narciso neste curso 2012/13 vai inaugurar a súa primeira campaña-exposición titulada: MITOLOGOVITA.

  MITOLOGOVITA é un obradoiro de animación á lectura que na cabeceira do curso INVITA a achegarse ao mundo da Mitoloxía a partir dun intrincado XOGO de 3 mitos, 5 estatuas e 7 poemas que terán que procurar poñer en relación despois de ir respostando a unha serie de preguntas nunha especie de Exposición Plástica e Literaria, unha combinación caprichosa e intencionada de textos e imaxes destinados a SEDUCIR aos alumnos/as que rematarán atrapados. O obxectivo inicial será lograr un pasaporte ao país dos soños ao que se terá acceso tras resolver ENIGMAS da mitoloxía grecolatina.

Só os máis avezados, despois de varias iniciativas deste estilo que se irán propoñendo no presente curso  e xa no final do mesmo, conseguirán o DNI que os acredite como mitolovitas, é dicir, habitantes deste lugar marabilloso que non está en ningures e ao que se chega a través da Literatura de temática mitolóxica.