CONCURSO SEI SAN NARCISO DE MEDO
(Organizan: Departamentos de Linguas, Plástica, ENDL e Biblioteca de Secundaria)
Como en cursos pasados tentamos
realizar unha promoción tanto do uso da biblioteca como do CONCURSO de creación
"DE MEDO" que habitualmente convocamos con motivo do Mes de Defuntos.
BASES DO CONCURSO:
As bases do Concurso de
Microrrelatos, Curtas e Banda deseñada son as seguintes:
- PREMISA: Terán como
lema e motivo inicial "DÁME MEDO" aínda que o título (de o haber)
debe ser outro.
- LINGUAS: Como vén sendo
habitual, os textos poden ser redactados en calquera das linguas usadas no
centro: galego, castelán, inglés e francés. De presentar varios textos ou
bandas deben ser distintos, non son válidas as simples traducións e tamén cada
lingua terá os seus propios premios.
CARACTERÍSTICAS DOS TEXTOS, AS
CURTAS E AS BANDAS DESEÑADAS:
Nos traballos figurará o título
e un pseudónimo pero non o nome do autor
OS TEXTOS: Xa sabedes os textos
non poden ter máis de 25 liñas e xirarán ao redor do tema citado. Os textos
deben estar escritos a ordenador A coherencia textual e corrección ortográfica
son esenciais á hora de poder ser premiados.
AS CURTAS DE MEDO: Non deben ter
unha duración maior de 3 minutos.
AS BANDAS DESEÑADAS: Non poden
ser de máis de 20 viñetas.
O PRAZO:
Os textos serán entregados a:
|
1º A |
1º B |
2º A |
2º B |
3º A |
3º B |
4º A |
4º B |
1 BAC |
|
Flor |
Cristina Abad |
Manuel |
Teresa |
Sofía |
María |
Manuel |
Cristina |
María José |
Data límite: martes 30 de novembro.
O XURADO POPULAR
A escolla de premios realizarase
a través dun sistema de votación por parte de alumnos/as de distintos cursos e niveis quen
tras ler os textos, visualizar as curtas e as bandas presentados votarán aos que máis lles gusten de cada categoría.
Este proceso estará supervisado polos profesores de cada departamento
participante que se encargarán de facer unha selección previa dos mellores
relatos.
A ENTREGA
A entrega de premios levarase a cabo tendo en conta os
protocolos a causa da COVID-19 unha vez rematado este mes de
defuntos.
OS PREMIOS
Serán de medo!
Ningún comentario:
Publicar un comentario