As Meigas da Lingua no 30 de xaneiro, propuxeron a creación do refraneiro

Con motivo do Día escolar da Paz e da non violencia as Meigas da Lingua propuxeron en todas as aulas do centro a creación do refraneiro da Paz.

As Meigas da Lingua na aula de Infantil de 4 anos

Este foi o texto que leron en cada unha das aulas dende Infantil a Secundaria:

- Ola, nenos e nenas, que tal?

Somos as Meigas da Lingua e con vós queremos falar!

Traémosvos na boca, as Meigas da lingua

traémosvos  na boca unha palabra amiga

ímola presentar no seu día escolar

imos falarvos da palabra PAZ !

-Como estamos no mes de xaneiro

ocorréusenos facer un refraneiro!

 -Facer un refrán , é moi doado,

só hai que buscar un pareado!

-E se non che sae, nin na segunda nin á primeira

coa axuda da/do teu profe sairáche  á terceira!

-Intenta logo  aprender a rimar

e mesmo despois o podes cantar.

-Pois ben despois das vacacións de Nadal

toca celebrar o Día escolar da Paz.

-Como xa xaneiro case rematamos

co Día da Paz traballamos.

-Xaneiro é un mes moi pouco guerreiro

poñamos a andar da Paz un refraneiro!

Propoñámonos, nenos, nenas, algo eficaz

facer un  refrán sobre o tema da Paz!

-       Cada curso, cada aula de Infantil e Primaria,

cada clase, cada mozo ou moza da Secundaria.

-Palabras das crianzas

para sementar a esperanza!

-Palabras de Paz levaremos

e a Biblioteca encheremos!

-Palabras como sementes

para todas, todas as mentes!

As Meigas da Lingua na aula de 1º ESO A

Agora, nenos e nenos, mozas e mozos xa nos marcharemos

as Meigas da Lingua na Biblioteca axiña nos veremos!