Ao longo do mes de Defuntos como todo os cursos dende hai xa unha chea deles e coa intención de animar ás animas a participar comezaremos coa proxección da xa tradicional Mostra de curtametraxes DE MEDO.
CREANDO MEDO é o
lema deste ano para o Concurso de microrrelatos de Medo que ademais virá
acompañada da xa exitosa Mostra de
PROXECCIÓNS DE MEDO que cumpre xa catro anos e cuxa programación estase ultimando.
Colaboran nesta iniciativa os distintos Departamentos de
linguas, o EDLG e o de Plástica e visual.
As bases do Concurso de Microrrelatos e Banda deseñada son as seguintes:
- PREMISA: Terán como
lema e motivo inicial "CREANDO MEDO" aínda que o título (de o
haber) debe ser outro.
LINGUAS: Como vén sendo habitual, os textos poden ser
redactados en calquera das linguas usadas no centro: Galego, castelán, inglés e
francés. De presentar varios textos ou bandas deben en cada lingua ser distintos,
non son válidas as simples traducións e tamén cada lingua terá os seus propios
premios.
CARACTERÍSTICAS DOS TEXTOS E AS BANDAS DESEÑADAS:
OS TEXTOS: Xa sabedes os textos non poden
ter máis de 25 liñas e xirarán ao redor do tema citado. A coherencia textual e
corrección ortográfica son esenciais á hora de poder ser premiado.
AS BANDAS DESEÑADAS: Non poden ser de máis de 20 viñetas.
O PRAZO: Os textos serán entregados ben na biblioteca, ben ao
profesor da materia da lingua na que se concurse, antes do día 20 de novembro.
O XURADO POPULAR
A escolla de premios realizarase a través
dun sistema de votación por parte dos lectores que queiran participar como
xurado e tras ler os textos e bandas presentados vaian votando aos que máis lles guste de cada categoría. Este proceso
estará supervisado polos profesores de cada departamento participante.
A ENTREGA
A entrega de premios se realizará nun recreo na propia
Biblioteca unha vez rematado este mes de defuntos.
OS PREMIOS
Serán de medo!
Moito ánimo, ánimas!
Ningún comentario:
Publicar un comentario