MOMENTOS CRÍTICOS é o
lema deste ano para o Concurso de microrrelatos de Medo que ademais virá
acompañada da xa exitosa mostra de
PROXECCIÓNS DE MEDO que cumpre xa tres anos e cuxa programación que se está
ultimando, será colgada proximamente no blog.
Colaboran nesta iniciativa os distintos Departamentos de Linguas, o EDLG e o de Plástica e visual.
As bases do Concurso de Microrrelatos son as seguintes:
- PREMISA: Terán como
lema e motivo inicial "MOMENTOS CRÍTICOS" aínda que o título (de o
haber) debe ser outro.
LINGUAS: Como vén sendo habitual, os textos poden ser
redactados en calquera das linguas usadas no centro: Galego, castelán, inglés e
francés. De presentar varios textos deben en cada lingua ser distintos textos,
non son válidas as simples traduicións e tamén cada lingua terá os seus propios
premios.
CARACTERÍSTICAS DOS TEXTOS: Xa sabedes os textos non poden
ter máis de 25 liñas e xirarán ao redor do tema citado. A coherencia textual e
corrección ortográfica son esenciais á hora de poder ser premiado.
PRAZO: Os textos serán entregados ben na biblioteca, ben ao
profesor da materia da lingua na que se concurse, antes do día 17 de novembro.
A escolla de premiso realizarase por vez primeira a través
dun sistema de votación por parte dos lectores que queiran participar como
xurado e tras ler os textos presentados
vaian votando aos que máis lles guste de cada categoría. Este proceso
estrá supervisado polos profesores de cada departamento participante.
A entrega de premios se realizará nun recreo na propia
Biblioteca unha vez rematado este mes de defuntos.
Moito ánimo, ánimas!
Ningún comentario:
Publicar un comentario