Dende o día 12 de maio na Biblioteca de Secundaria está instalada a Exposición de carteis informativos sobre Díaz Castro que con motivo do Día das Letras Galegas do 2014 a Consellaría de Educación e Cultura da Xunta de Galicia fixo chegar a todos os centros docentes de Galicia. A exposición que consta de dez paneis, como todos os anos, é froito dun traballo realizado por un centro docente da Comunidde que foi seleccionado tras un concurso de propostas convocado pola Secrataría Xeral de Política Lingüística da Xunta. Os autores da Exposición deste curso son os docentes e alumnos/s do IES Perdouro de Burela (Lugo) e tentan achegarnos á vida e á obra do autor homenaxeado a través das distintas seccións que levan os seguites títulos:
Cronobiografía, a infancia en Guitiriz, en Mondoñedo, en Vilagarcía de Arousa, en Madrid, volta a Guitiriz, Nimbos, os temas de Nimbos, tradutor e investigador e o home poeta.
A Exposición esta deseñada para realizar unha serie de actividades cos alumnos/as para o que vén acompañada dunha especie de unidade didáctica ou caderno de propostas que, como tradicionalmente facemos, fomos realizando curso a curso ao longo desta semana pasada fundamentalmente. Para dita actividade os alumnso/as desprázanse a Biblioteca onde esta instalada a Exposición e distribuídos por grupos de traballos de dúas ou tres persoas, van abordando unha serie de cuestións que logo poñen en común cos seus compañeiros/as. Trátase dunha actividade ben completa na que hai traballo persoal e en grupo, lectura, comprensión lectora, escrita e finalmente un breve exercicio de expresión oral. Colocamos algunhas fotografías da experiencia realizada cos grupos de 1º da ESO B e 1º de Bacharelato.
Ademais esta Exposición e as propostas didácticas poden ser consultadas a través da rede no seguinte enlace: Letras Galegas 2014 da SXPL.
Ningún comentario:
Publicar un comentario