Pequena reportaxe da Entrega de Premios DE MEDO 2013

Como xa anunciamos hxe realizamos o acto de entrega de Premios de Microrelatos  DE MEDO 2013 nas categorías de lingua galega e lingua castelá.

Despois da presentación do acto e dunha valoración da  importante participación dos distintos cursos, por parte dos profesores de Galego Héctor Silveiro e de Castelán  Marigel  Calvar, destacando a alta participación de cursos como o de 2º da ESO B que realizaron unha chea de microrrealatos tanto en galego coma en castelán.  Logo pasouse  describir a nómina de premiado en galego na presente Edición de Microrrelatos de Medo en Lingua Galega foron premiados catro alumnos/as que foron os seguintes:

María Santaclara de 1º da ESO B cun microrrelato de medo que presentaba un texto orixinal e de evocacións musicais baixo a fórmula epistolar.

                                 20 novembro de 1980 

Querida Raquel:

Ven buscarme. Non dou atopado o camiño correcto, o camiño ao Alén. Berra o meu nome, chámame...

Sara Vázquez de 2º da ESO B que elorou unha curiosa trama arredor dun temible ser mariño.

 " A súa mirada reflectía perfectamente a dor que sentía ela por dentro. Nos dezasete anos que levaba de psicóloga nunca mirara algo parecido. A súa pel palideceu e quedou branca como as follas do meu blog de notas no que simplemente tiña o seu nome,..."





Francisco Loira de 4º da ESO B presentou un texto cun final aberto e misterioso ben logrado.

"...a horrenda imaxe dun cadaleito aberto entroume polos ollos. Era o do meu defunto avó, o seu corpo estaba tendido no chan, cunha nota escrita entre as mans que dicía: Detrás de ti."

Claudia Rosales de 4º da ESO B que presentou unta trama onde o terror parte dunha situación tristemente real.

 "Esa mirada que sempre lle infundira cariño e tenrura, agora só lle provocaba temor. A dor máis grande para ela, sen dúbida, era o medo, a submisión...nin sequera podía mirar aqueles ollos, os mesmo que a namoraran...



Os autores leron parte dos microrrelatos premiados que foron aplaudidos por un público que abarrotaba a Biblioteca.

A continuación fíxose entrega dos premios de Microrrelatos en Lingua Castelá, resultando premiados:

María Estévez de 1º da ESO A

Manuel Veiga de 3º da ESO B

Patricia Nores de 3º da ESO B

Diego Facenda de 4º ESO A

Lidia Moreira de 4º ESO A

Lorena Bermúdez de 4º da ESO A

Claudia Rosales de 4º da ESO B

Alumnos e alumnas que tamén leron unha parte dos seus textos premiados e que publicaremos proximamente neste mesmo blog.