Dende a Biblioteca de Secundaria do San Narciso imos deixar aquí algunhas recomendacións de lecturas para os nosos alumnos/as.
Comezaremos coas recomendacións para lectores de 1º e 2º da ESO:
As lecturas obrigadas durante o curso EN GALEGO foron:
Misterio Resolto de Concha Blanco.
O elefante branco de Xesús Fraga.
A quen teña lidas estas obras recomendámoslle especialmente unha triloxía dunha autora que reside precisamente en Marín. A triloxía comeza con: Dragal. A herdanza do dragón de Elena Gallego Abad.
Unha historia escrita a dúas mans entrañable e divertida é a de Mortos de Ningures da galega Ledicia Costas e o catalán Pere Tobaruela.
Tamén unha obra escrita a dúas mans é a de O neno can, da autora recentemente nomeada académica Fina Casalderrey e Francisco Castro. Trátase dunha obra con cinco relatos que presentan un fío común.Unha obra que non nos cansamos de recomendar para quen non a lera xa é O paxaro do mel escrita, xa hai uns anos, polo noso profesor de galego Adolfo Caamaño.
Outra obra de Ledicia Costas que lemos este ano en 3º e 4º da ESO é O corazón de Xúpiter e a qen a teña xa lida lle indicamos un par de títulos máis:
As sete mortes de Carlos Vila Sexto. E para quen prefira o relato breve O único que queda é o amor un Premio nacional de narrativa xuvenil dun dos autores máis reoñecidos das nosas letras Agustín Fernández Paz.
Se pasamos aos clásicos e á lírica os nosos alumnos/as de 1º Bacharelato non esquecen a súa aproximación a Rosalía realizada a través dos Cantares Gallegos na edición comentada de Anxo Angueira. Esta autora provocou toda unha serie de edicións ao redor da súa vida e obra, estudos diversos que actualizan a súa lectura.
Ningún comentario:
Publicar un comentario